Anëtarësohu në forum

FORUMI MUSLIMAN I SHQIPËRISË

Dega Kavajë

10-shkurt-2010

Aktivitet i Degës së Forumit Musliman Kavajë

Më datë 10. 02. 2010 në ambjentet e bar - restorant "Haveriku" u zhvillua një program kulturor me tematike fetare.

Ky program u mundësua nga "Forumi Musliman i Shqipërisë" Dega e Gruas Kavajë, i cili ka për qëllim shtjellimin dhe informimin mbi kritere shkencore e kulturore të gruas islame.

Në këtë program morën pjesë me dhjetëra gra e vajza, intelektuale e studente të Kavajës.

Programi ishte i përbërë me ligjërata të mbajtura nga teologia Ilda Kanapari.

Në ligjerata u analizuan vlerat më të ndritura njerëzore si drejtësia, vetëpërmbajtja nga imoraliteti, devotshmeria, bujaria, sinqeriteti, dashuria dhe mirësia ndaj te tjereve, vlera këto qe jane kusht i domosdoshem i shpëtimit në këtë botë dhe i fitimit të kënaqësisë së Zotit në botën tjetër.

Në ligjerata u fol edhe për rëndësinë që ka në fenë islame, besimi në Ditën e Gjykimit dhe llogaria që çdo njeri do të jap para Zotit të tij.

Gjate programit u kenduan edhe ilahi si dhe u komentuan dy ajete të sures "Ali Imran " te mbajtura nga teologia Anila Karaboja (Canaj).

Aktiviteti u shoqërua me një koktej të sponsorizuar nga Bar - Restorant "Haveriku".

_______________________________________________________

Njoftim për editorët:

Forumi Musliman i Shqipërisë është një organizatë e shoqërisë civile, qëllimi i të cilës është të luftojë racizmin, islamofobinë dhe ksenofobinë.

Për më shumë informacion vizitoni sajtin tonë: www.forumimusliman.org